اسماؤنا و تأثيرها على شخصياتنا ..!!

اسماؤنا و تأثيرها على شخصياتنا ..!!


السلام عليكم ورحمة الله و بركاته


اخباركم يا ياعضاء .. ان شاءلله تمام


في حادثة صارت لي قبل فترة


و هي الي خلتني اكتب الموضوع نظراً لاهميته حتى لو كانت بسيطه عند البعض




قبل فترة مادري متى كنت رايحة مكان مع اخوآتي و صادف اني شفت وحده في نفس المكآن


هي البنت كان مبين عليها طيوبة و حبوبة
بس ماكانت تتكلم مع احد كانت بروحها


وانا كنت جالسة يمها و كنت ابي اكون تعآرف ولو لخمس دقايق طيب تكلمنا شوي و تعارفنا مع بعض

و بعدين قلت لها وش اسمك .. قالت لي :


[ اسمي .... بس ناديني بهذا الاسم .... لان اسمي كريه وماحبه ]



طيب انا استغربت يعني الاسم مافي شي بس قالت :


[ لما يكون لك اسم و الناس تتمسخر عليه في هذي الوقت انتي راح تكونين مثلي ]




هني تتفتح عيوني على عدة قضايآ المجتمع يمكن مايحس فيها او يمكن يحس


بس مايتخذ الاجرآءات اللازمة .. لانها خطرة على نفسيه الناس خصوصاً الاطفآل


و نفتح 3 قضآيآ [ Cases ] لازم الناس تآخذها


بعين الاعتبآر




Case 1 : Choosing names

القضـية 1 : اختـيار الاسـماء




لما نتكلم عن مواليد جدد اول شي يجي على بآل اهاليهم هو التسمية

فالتسمية تعتبر مهمة جداً للام و الاب

و طبعاً يختارون الاسماء الي يحبونها


اوالاسماء الي احد موصيهم يختارونها .. وفي نآس كثير تحط اي اسم في بالها

حتى اذا كآن الاسم مايليق بالطفل

مثلا : واحد يجي يسمي بينته توته او برتقالة على سبيل المثآل

هذي اسماء مافيها شي وطبعاً في اسوأ و اسوأ

بس مثلاً هو عجبه الاسم بس ماجا يفكر في اشياء كثيرة



1 - البنت شلون بتتقبل هالفكرة او الولد و بتشوف في سنها غريب و مو موجود في العصر

2 - نفسيه الطفل فإذا كآن اسمع غريب بشكل رآح تترتب عليه آثار


- انعزآل الطفل و عدم اختلاطه مع النآس
- شعوره ان اهله مايحبونه فيسمونه باسم غريب
- مستقبله و طموحه فيمكن مايختآر عمل يكون مختلط فيه مع النآس خوفاً من استهزآئهم

3 - تأثير الاسم على سلوكيات الشخص مهما كآن عمره

4 - يمكن تترب امور اخطر و هي الانتحآر اذا ماقدر يتعامل او يغير اسمه



هذي بعض الاشياء الي تصير نتيجة عدم التفكير في التسمية المناسبة

و فيها ظلم كبير للمسى لان بعد كل شي هو بتكون له حيآة

فـ النصيحة :-




كل واحد يسمى اولاده اسماء مناسبة للعصر الي هو عايش فيه و مايبالغ
حتى ان صديقتي قالت لي مرة قصة ان في اب كان يتمنى يجبه ولد بس
لما جآت له بنت عصب و سماها اسم من اكره الاسماء و ماقدر اكتبه لكثرة
ان الاسم مشين طيب هالبنت كيف رآح تعيش و كيف بكون شعورها تجآه
اهليها الي سموها و هذي شي سلبي جداً و هو مثال بسيط على ذلك

و هذي ياخذنا الى القضية الثانية




Case 2 : The people

القضية 2 : النـــــــاس




في احتمالات احياناً ان الواحد مايكون مفتكر في الاسم الى اختاروه له اهله

و يتصرف بشكل عادي

بس لما يكبر اكثر و يختلط مع المجتمع الكريم هم الي يغرون فكرته

و اول شي يخليه يفكر في هذي الشي هو الاستهزآء بالاسم


تصادفون في المدرسة كثير من الناس يسمون اصدقائهم او زملائهم في الصف

بالقاب اما يضيفون لاسمائهم [ ـــووا ] مثل



[ احمدووا ]

[ شروقووه ]


طبعاً هذي شي عادي عند كثر من الناس و هو اكثر الالقاب شيوعاً خصوصاً في


المدارس
الاماكن العامة
الاخوان في البيت

و الاخوان اذا كانوا نفس السن طبعاً او اكبر بفترة مو كبيرة

البعض ياخذها كأنها دلع له و يمشي معاها >> مثلي
بس في ناس كثير حساسه و ماترضى

وتعتبرها اهانة او تنجرح مشاعرها بسرعة

و هني على الناس انهم يحاسبون على مين يطلقون هذي الاقاب


فما يعني واحد قبل .. الكل يقبل
هذي نوع و هو اخف الانواع


نجي للنوع 2
و هو المستوى الاعلى شوي و هم النآس الي اسماؤهم اسماء اشياء واقعيه
مثل


[ موزة - وردة - سمراء ] و غيرها من الاسماء


في نآس ممكن ياخذوها على اسماؤهم و يشكلونها كأنها زخرفة فــ

[ موزة ]

ت

ص

ي

ر

[ انناسه - تفاحة .... ]


//\\



[ ورده ]

ت

ص

ي

ر

[ وردة البفسج - زهرة - نبتة ]


//\\



[ سمرآء ]

ت

ص

ي

ر

[ بيضاء - زرقاء - صفرآء ]


//\\


و هذي اشياء واقيعة الكل يسويها انتي لازم اذا شخص تشوفينه او تعرفيه
تنادينه مثل ماتحبين


و مايعني ان التلقيب ممنوع

بس في تلقيب نعوومي و مرح

وفي تلقيب جآرح و يحزن


فمو كل وحده او واحد يرضى يتغير اسمه و يعتبره سخرية و جرح

فـ نصيحة :



حآسبو مين تلقبون ففي ناس ماترضى و ناس تنجرح و ناس تحب
مو يعني ماتشكلون في التسمية بس اختاروا اسماء تليق عشان
لايصير في زعل و نبتعد عن المشآكل و هذي احد آثار التســمية


و هذي تآخذنا للقضية 3








Case 3 : How will I be

القضية 3 : كيف سأكون




هوون نجي للتشخيص العآم
و هو كل واحد و اسمه و تأثيراته على شخصيته المستقبليه و الحآليه

و ردود فعله



1 ~


I Like My Name
احب اسمي



احب اسمي فأشعر بالرحة و اي شي اسويه
ما اكون وحداني و شعبي و الناس كله يمدحون
اسمي و هذي يعطيني ثقة كبيرة في نفسي




2 ~


Normalعـآآدي


اسمي عادي احبه و في نفس الوقت ما ارتاح له
اذا احد سألني عن اسمي احاول اسأله هو قبل
اسمي عادي بس ماحب الفظه في كثير اوقآآت



3~


I Hate My Nameاكره اسمي


اكره اسمي و مادري ليس سموني بهذي الاسم
دائماً احاول ابحث عن معنى له و مااشوف انه مفيد
اكثر شي اكره احد يسألني شو اسمك فأقول بكل
بسآطة : مالك دخل او انتَ اول .. و بعدين اقرر
اقوله او لا ..........................................






هذي احصائية بسيطة لثلاث اسخآص و طبعاً في ناس كثار في العالم و كل واحد
رأية يختلف و في ناس يمكن مايوافقون على هذي الاحصائيات


و ناس حآلتهم اسوأ اكثر او اخف


و الموضوع عامياً ان الاسم له تأثير كبير على شخصية الفرد و تم عمل الكثير من الاسفتاءآت



و نسبة كبيرة اسمها مايعجبها و هذي اكثر الفئآت الي تتأثر في المجتمع


الا الي مايهمهم

وفي آامان الله